mir se vini ne web faqen ton

Kjo foto nuk i përket sheshit të xhirimit të ndonjë klipi të këngëtares por bëhet fjalë për një tjetër regjistrim. Është zgjedhur bukuria dhe finesa e Leonora Jakupit për të bërë mesazhin promocional të një prej firmave në Kosovë dhe këngëtarja nuk ka thënë ‘JO’. Përkundrazi, oferta i ka pëlqyer dhe për këtë ndihet mirë.
Siç e shikoni Leonora është gjithmonë e këndshme dhe sharmante. Regjistrimi i mesazhit proporcional ka zgjatur për pak orë ndërkohë që këngëtarja është shfaqur e veshur në të verdha, me një bluzë të mbyllur dhe me një kapelë në kokë. Jashtë fustaneve të gjata, apo stilimeve ekstravagante të flokëve për disa momente, ashtu siç bën në klipet e saj të herëpashershme.

Skëndon për parti

Këngëtarja Dafina Zeqiri ka refuzuar që të këndoj në ndonjë fushatë për Partitë Politike në Kosovë gjatë fushatës elektorale për zgjedhjet lokale. Këtë e ka konfirmuar për Rozë një burim i afërt me këngëtaren, i cili ka thënë se tani për tani këngëtarja dëshiron që të vazhdoj karrierën e saj si një këngëtare e pavarur dhe nuk dëshiron që të identifikohet me ndonjë parti politike të Kosovës

Orinda Huta stonon në të kënduarin live

Ndoshta nuk do kishte dashur kurrë ta përsëriste dhe njëherë të kënduarin “live” pas asaj eksperience të keqe. Por mesa duket Orinda Huta kishte menduar se do t’ia dilte. E në fakt ka dështuar. Javën e kaluar jo vetëm këngëtarja, por dhe orkestra e programit e “E diell” në “Top Channel”, janë ndier ngushtë kur Orinda Huta, e ftuara e javës për të kënduar këngët e repertorit të saj, është ngatërruar në mënyrë të përsëritur e nuk ia ka dalë dot të këndojë “live”, ashtu siç është rregulli për këngëtarët e ftuar në këtë program.

Teuta Krasniqi: Në fillim bebja, pastaj dasma me Bleron

Lajmi më i fundit mbi atësinë e Bleros u dha fund njëherë e mirë skenarëve rreth fejesës së nxituar të çiftit. Versionet ishin nga më të ndryshmet, por askush nuk hodhi hipotezën e një shtatzënie të aktores Teuta Krasniqi. Megjithatë, çifti nuk mundi ta fshehë gjatë “krosin” e tyre “për të legalizuar” lidhjen.
“Blero e ka pritur më së miri faktin se do të bëhej baba. Ndërsa unë në ditët e para kam qenë më “out”. Isha e frikësuar, pasi dihet që për një moment të ndryshon krejt jeta, duke ditur se nuk do të mendosh se jam vetëm unë, por je vetë e dyta. Unë jam njeri që e marr punën me shumë përgjegjësi, e lëre më lindjen e një bebeje, që është diçka e shenjtë

Ami: Ermali, energjia ime

Nje nga figurat e njohura dhe solide ne Top Channel eshte Amarda Toska, e cila prej 5 vjetesh perkrah Agron Llakajt mund te konsiderohet imazhi i “Portokallise”. Puna e saj ne televizion nuk eshte e rastesishme, ajo thote se edhe pse eshte e lodhshme te punosh per ekranin, sepse duhet vemendje per pozicionin dhe paraqjtjen skenike, ajo e dashuron ate. E mesuar me skenen qe e vogel, kur Ami punonte per t`u bere balerine, televizioni per te ishte frymezim, nderkohe qe diplomen e ka per psikologji. Thote se "Portokalllia" i solli edhe fat ne dashuri. Ermalin me te cilin prej nje viti eshte fejuar, e njohu ne ambientet e spektaklit te humorit. Ata thone se nuk ishte “dashuri me shikim te pare”, por momentin ku u pane nuk e harrojne kurre. "Ishte nje dite 'Portokallie', dita e pare qe isha qethur zero.

Çiljeta dhe Zajmina, ja pse ngelën jashtë konkurrimit të Kënga Magjike

Çiljeta dhe Zajmina, ishin nga emrat më të lakuar dhe të komentuar shumë herët për pjesëmarrjen në këtë edicion të ri të festivalit “Kënga Magjike”. Por papritur me shpalljen e listës me këngëtarët konkurrentë, emrat e tyre nuk u panë në listë. Po ashtu mungonte edhe Greta Koçi, e cila kishte pohuar se do të mund t’i rikthehej këtij festivali pas tre vitesh mungesë. Cila është arsyeja pse këto këngëtare mbetën jashtë festivalit “Kënga Magjike” këtë vit?! Zajmina dhe Blero kishin filluar para sezonit veror për të dalë në një duet së bashku, pas ftesës që Zajmina i bëri këngëtarit të njohur.

Pushimet e paharrueshme në Turqi dhe Kroaci

Sapo është kthyer nga pushimet, ajo për të cilën ka menduar më shumë ka qenë pjesëmarrja në festivalin “Kënga Magjike”, si dhe fillimi i vitit të ri të studimeve. Ne kemi siguruar disa foto të këngëtares Orinda Huta, gjatë pushimeve të saj në Turqi dhe Kroaci, ky i fundit vendi i zgjedhur nga ajo për të ndjekur koncertin e grupit U2, pasi siç e pohon dhe vetë është një fanse e çmendur e tyre prej vitesh.
Orinda thotë se në fakt dëshira e saj kishte qenë ta ndiqte këtë grup në koncertin e Irlandës, meqë është vendi i tyre i lindjes dhe atje ata bëjnë çudira. Por këtë vit e pati të pamundur të shkonte në Irlandë në kohën e koncertit sepse kishte qenë në koncertin e Beyonce më 31 maj në Belfast dhe nuk mund të qëndronte në Irlandë për 40 ditë, sepse fiks pas këtyre ditëve ishte koncerti i U2. “Koncerti ishte një mrekulli. Banda suportuese U2 ishte snow patrol dhe ata janë preferencat e mia. Bono rock the place, por jo vetem ai, i gjithë grupi ishte një mrekulli më vete, ndërkohë që turma ishte gjithë kohës e eksituar.

Fiton 250 mijë euro nga gjyqi në Gjermani për këngët e vjedhura

Këngëtarja Greta Koçi sapo ka shijuar zbatimin e ligjit “Për të drejtën e autorit” në Gjermani, duke dalë e fituar me plot 250 mijë euro dëmshpërblim. Pak ditë më parë Gjykata e Frankfurtit ka marrë vendimin për të gjobitur me këtë shumë një kompani, që shkarkonte këngët e saj nëpërmjet internetit dhe më pas i shiste në tregun muzikor. Gjykata e mori këtë vendim pasi vërtetoi që bëhej fjalë për shkelje të së drejtës së autorit, në këtë rast e dëmtuara ishte këngëtarja e re Koçi.
Në vendimin e Gjykatës së Frankfurtit citohet se, ”pala kundërshtare dënohet me 250.000 euro gjobë - me shlyerje burgu - ose me heqje lirie 6 muaj për çdo shkelje në publikimin dhe riprodhimin e veprave muzikore të këngëtares shqiptare Greta Koci: “Sekreti”, “Nuk ta kam thënë”, “A do të më shaj nana”, “Shkolla Willson” dhe “Natën të kërkoja” sipas dokumentit në V3 të paraqitur”. Të gjitha këngët e sipërpërmendura ishin marrë nga interneti dhe pastaj ishin përdorur pa të drejtën e autorit. Kjo është hera e parë që një këngëtar apo artist dëmshpërblehet me një shumë të tillë si pasojë e shkeljes së të drejtës autoriale. Ndërkohë që në Shqipëri me gjithë zhurmën dhe masat, që kanë filluar të merren për respektimin e të drejtës së autorit, artistët ende nuk e kanë ndier këtë ndryshim. Shumë krijime të tyre që mund të gjenden lehtësisht në internet mund të vidhen dhe përdoren nga kushdo, dhe ky është një problem për ta që mbetet ende i pazgjidhur

As Dafina nuk merr pjesë në Kënga Magjike

Dafina Zeqiri ka vendosur që këtë vit e vetmja pjesëmarrje në një festival, të jetë në "Polifest". Duke folur për mospjesëmarrjen e saj në festivalin “Kënga Magjike”, Dafina thotë se arsyeja e vetme është për shkak të angazhimeve të shumta rreth krijimeve të reja muzikore. “Jam angazhuar shumë rreth albumit dhe nuk kam pasur mundësi të përgatitem sa duhet. Gjithsesi, festivali ‘Kënga Magjike’ është një festival shumë i mirë dhe shumë mirë i organizuar”, ka thënë Dafina për “Infopress”, duke shtuar se vitin e kaluar është pritur shumë mirë në këtë festival dhe është e kënaqur me çmimin e fituar. Prej këngëtarëve tjerë kosovarë që nuk do të marrin pjesën e edicionin e sivjetmë të festivalit “Kënga Magjike”, janë edhe Teuta Kurti, Vesa Luma dhe“NRG Band”, ndërsa Blero është në mëdyshje